أول رتبة | أول ترقية| دكتور عمادالدين حامد

علموا أبنائكم آداب الزيارة

 علموا أولادكم

علم ابنك.. إنه لو معزوم عند حد

مايروحش فاضي، ومايخدش معاه شخص متعزمش

ويروح في ميعادة لا بدري ولا متاخر

ويلبس كويس وريحته تكون حلوة عشان يوصل للي قدامه انه بيحترمه ومقدره

ومايدخلش البيت بالجزمه أو الكوتشي حتي ولو صاحب البيت طلب منه ده

وإنه يخبط وياخد جنب "يمينه او شماله" المهم مايقفش في وش الباب عشان مايجرحش اهل البيت

وياكل الموجود من غير ما يطلب أصناف مش محطوطة حتي ولو مخلل

وياكل من غير صوت للمضغ، ويقفل بقه وهو بيمضغ

ومايختارش المكان اللي يقعد فيه، ولكن يقعد مطرح ماصاحب البيت يقعده

لأن كل واحد أدري بخصوصياته

وياكل براحته عادي من غير كسوفولو مش عاجبه حاجة في الاكلمايقولش وياكل من اللي عاجبه بس

وماينساش يشكر اللي عزمه ويدعيله بزيادة الخير، ويوصل السلام للام أو الزوجة اللي ظبخت وإنه قد ايه أكلها جميل

ومايقومش يغسل غير لو صاحب البيت أذنله، واما يغسل يتأكد إنه نضف الحوض وراه وماسبش أي بواقي أكل، ويفرد الفوطة بعد ما ينشف بيها

ويمشي موطي ومايبصش علي تفاصيل الشقة اللي دخلها

ولو معزوم مع حد وقام يغسل زيه مايقعدش مكان اللي قام لأن ده حق غيره

ولو هيصلوا في البيت إبنك مايصليش امام إلا لو صاحب البيت طلب منه ده

ولو دخل ولقي ناس بتتكلم في موضوع من الادب إنه مايغيرش فجأه الموضوع اللي بيتكلموا فيه، ولا يقطع كلام حد ويتكلم هو لأن ده بيقلل احترامه

وإنه يستأذن قبل مايمشي، ولو صاحب البيت صمم يقعده يقعد ويجبر بخاطره

ولو هيخرج يعلي صوته وهو خارج عشان اهل البيت يستعدوا لخروجه

ويدعي لصاحب البيت وهو خارج بالبركه والرزق والسعة

ولو قابل الأم أو الزوجة ضروري يشكرها ويمدح في اكلها وكرمها ويقولها تسلم ايدك.

علموا أولادكم اداب الزياره

دمتم في سعادة دائمة

نبئ عبادى أنى أنا الغفور الرحيم | وأن عذابى هو العذاب الأليم

وتعاونوا على البر والتقوى| كن نافعا

أقرب دكتور أسنان بشبرا الخيمة | أرض أم بيومى

خدمات عيادة أسنان دكتور عمادالدين حامد| شبرا الخيمة أرض أم بيومى

طريقة تنظيف جير الأسنان| جهاز الموجات فوق الصوتية